عمرو يوسف: "لا أدعي المثالية وعمرو دياب مؤسسة"

أكد الفنان عمرو يوسف، أنه يكره التريند، متابعا "أيا كان مكانك فين.. أنت لازم رجليك دايما تبقى على الأرض"

وقال عمرو يوسف: "أنا بكره التريند .. وأبقى تريند بإن مسلسلي يبقى تريند أو فيلمي يبقى تريند، ومبقاش دافع فلوس .. غير كدة مش عايز أبقى تريند". 

وأوضح: "أنا بحب أحط راسي على المخدة مرتاح.. وأنا لا أدعي المثالية نهائيا وعكسها تماما ومش مثالي خالص، وأنا على الله حكايتي".

واستكمل: "فقدت الكلام وأنا واقف قدام الفنان الكبير نور الشريف، وقالي الناس ممكن تشوفك مرة في حياتك والمرة دي ممكن تأثر فيك بعد كدة". 

وأضاف: "المخرج داوود عبد السيد لما بقترب منه بتفرج على طريقة تفكير مختلفة، وبتفرج على مدرسة مهمة". 
 
وأشار إلى أن  الهضبة عمرو دياب .. موضوع كبير وتاريخ ومؤسسة مش شخص. 
 
وأضاف: "أنا عايز عمرو بتاع النهاردة أحسن من عمرو بتاع إمبارح وأنا بنافس نفسي والأحلام مبتنتهيش".